田浦食肉

Open Now

Now Closed

同小朋友去石門playhouse玩，行經呢間鋪頭，好耐無食韓國菜，一於去試下，估唔到咁驚喜，全韓國人店員，服務貼心，好食又正宗，一定會再幫襯。燒牛排骨套餐:店員用檔油版幫我哋烤牛肉，啲油唔會彈到，好貼心。牛排骨好大份，烤得外層焦香，裏面啲肉粉粉地色，肉質鮮嫩多汁，好正！雞蛋羹:呢道菜打卡一流，好似特大疏乎厘，好香雞蛋、蔥花同芝士味，口感一流，令人食唔停口。水冷面:麵條Q彈，配搭冰涼湯底，湯底汁料濃郁，加埋雞蛋絲蘿蔔絲同秘製醬汁食，好好味！啱晒呢排悶熱嘅天氣食，食完透心涼。大醬湯:湯底好香，味道濃郁，好多材料，飲完成個人暖笠笠。