Twinkle Baker Decor (Moved) New Location

又係時候慶祝母親節，咁岩見到呢間鋪啲母親節蛋糕好靚，就揀咗呢個奇幻花園試吓，真係好靚，味道又好好，媽媽好滿意！蛋糕外觀好靚，上面有好逼真既玫瑰花同朱古力啤牌，好適合打卡。原來玫瑰係用翻糖整嘅，味道好特別，但又唔會過甜。整個蛋糕層次好豐富！蛋糕外層係士多啤梨白朱古力，內裏係蛋糕同mousse間隔著。士多啤梨mousse 好香滑，味道唔會太甜，加上中間清爽既蘆薈肉，好夾！紅絲絨蛋糕鬆軟，有香濃牛油味，再加上底層既士多啤梨脆脆，豐富口感，味道絕佳！