森．湯咖哩 (Closed)

同朋友約咗喺觀塘食嘢，朋友話想試下新嘢，又見到呢間有8折優惠！對於鍾意日式嘢嘅我哋嚟講，沒有不試的理由😆我哋係週六嘅下午2點幾去到，本身都book咗位，但店內唔full，直入都得～ 同朋友分別用qr code點餐，可以即刻各自俾埋錢，唔使之後再計數～我叫咗個飛驒和牛漢堡湯烏冬，配一杯凍綠茶！隨餐有一小碟漬物～ 漢堡扒唔錯！湯咖喱濃而不濁，烏冬煮得好食，仲有半隻溏心蛋添！整體很不錯！同友人都食得好滿足(友人都係食飛驒和牛漢堡扒，不過配飯)！