Cluck Cluck (Closed)

難得今日早收工, 就周圍行下睇下買咩食。經過一間黃色既鋪頭就望下佢既餐牌。有我喜歡既海南雞飯, 價錢$38連埋湯, 見幾抵就試下佢。我叫左海南雞飯&黃咖哩牛腩飯, 仲有得優惠價加配小食, 就加左一份春卷。落完單企埋一邊等, 都keep住有人去買, 聽到好多人都叫海南雞飯~等左5-10分鐘左右就有得拎, 店員仲會主動問需唔需要餐具。外賣係用紙盒裝, 感覺幾好, 比起用膠盒環保一D。海南雞飯D油飯夠惹味, 就算冇雞都可以就咁食哂D飯雞肉夠滑, 份量都幾多, 個飯仲有幾片青瓜可以清清油膩感。黃咖哩牛腩飯, 咖哩微辣, 牛腩好冧同埋入味。跟餐既湯應該係落左D雞去煮, 淡淡既清雞湯咁, 飲完唔會口乾(平時其他店嘅味精湯會飲到口乾)。加配既春卷香脆可口, 就算放左陣先食都冇冧到一定會再幫襯, 因為真心又平又好味。