西樹泡芙 (朗豪坊)

Open Now

Now Closed

西樹泡芙分店好多都係好方便嘅地點，最常幫襯嘅就應該係依間，朗豪坊，搭車前後都可以買到✌🏼✌🏼每次經過，都會俾佢嘅雪櫃吸引住，整齊嘅泡芙擺晒喺度，好靚好吸引！今次仲有新款喎！黃金滿屋-夠晒好意頭😊😊黃金滿屋-係流心奶黃肉鬆泡芙咁樣嘅配搭，真係超邪惡！鋪喺上面嘅肉鬆，好鬆化，完全唔影響泡芙本身嘅空氣感，咬落去中間滿滿嘅流心奶黃餡料，鹹鹹地，又甜甜地，係好有趣嘅泡芙💕💕士多啤梨乳酪對於鍾意士多啤梨，又超鍾意乳酪嘅我嚟講，又係難以抗拒嘅一款。起碼唔會超級甜，酸酸地，夠晒清新😁😁另外買咗榛子Tiramisu味比屋企人，喜歡甜甜食物嘅佢，亦表示非常滿意。整個泡芙嘅口感層次非常豐富，而且Tiramisu味道突出，如果唔想下下都係食蛋糕，泡芙都真係幾好嘅選擇。