Thainan Chicken ขุนทอง

Open Now

Now Closed

泰式酸辣豬頸肉沙律，勁鍾意堆豬頸肉俾菜堆住，嗌沙律都係為咗食多啲菜姐，唔好以為佢用菜遮住就笠哂水啊，豬頸肉嘅份量都唔少架，而且醃得好入味，個泰式沙律汁集甜酸辣於一身，勁開胃。有機蘆筍，出面食燒蘆筍通常都係灑少少鹽花，未食過燒蘆筍係有醬汁嘅，嗰個綠色嘅醬汁，甜甜地之餘仲有少少青咖哩味，好特別。白豬肉腸，白豬肉腸燒得外皮微椒，微微燶咗嘅部位十分香脆，豬肉腸本身就已經好好味，不過個人建議可以點泰式沙律嗰個汁，會更加惹味。白鱔，白鱔用料上乘，一咬落去首先感覺到既係佢嘅新鮮彈牙，跟住白鱔嘅油脂就喺口入面傾刻爆法，爽啊。泰南雞飯，呢度嘅泰南雞飯同海南雞飯好相似，都係有個有味嘅油飯，而個雞就係點甜嘅醬油膏同埋一個酸辣汁，個油飯帶有好香嘅雞油味，淨係食飯都經已夠哂好味喇，而啲雞肉就出奇咁嫩滑，真係連雞胸都係滑架。