金坊泰國美食

Open Now

Now Closed

呢晚嚟到新都城呢間金坊食泰國嘢，店員安排咗我哋坐卡位，坐得好舒服呢度真係好泰國feel，連有啲店員都係泰國人嚟嘅，我哋叫咗軟殼蟹咖喱配蒜蓉包，燒馬友，芒果糯米飯，椰青同埋一杯象啤！軟殼蟹咖喱配蒜蓉包，價值$138 ，真係超抵食，軟殼蟹炸到好脆，配埋咖喱嚟食一啲都唔漏，蒜蓉包又整到啱啱好，熱辣辣點埋啲咖喱汁嚟食真係食到人哋舔舔脷！我哋食晒啲包都未食完啲咖喱汁，好想再叫多一碟包嚟食！跟住就係芒果糯米飯，我哋揀咗黑白糯米配，真係好好食，個芒果好甜好好味，配埋啲椰汁真係好夾！食泰國嘢點可以唔飲象啤同椰青，呢兩個配搭真係一流！