泰贊- 創意泰餐廳 (Closed)

這家鋪門面裝修得好歐陸式，完全不像是吃泰國菜的，室內以藍白做主調，反而有一種地中海既感覺，環境尚算舒適，是和好朋友放工後relax談天說地既好地方。炸魷魚圈炸得幾好，皮唔會太厚，仍保持魷魚既鮮甜，亦唔會太煙韌，容易咬斷配上小小辣既調味汁，好醒胃，係一道好好既開胃小食。脆皮豬手配香葉辣椒炒飯豬手皮烤得非常脆, 肉仍保持嫩滑好juicy, 飯炒得好乾身，都頗辣和香葉好重，好適合愛既辣既人，十分惹味，份量唔算大，但都夠食。芒果沙冰芒果味好突出，應該真係落左好多芒果，不會太甜，質感好細滑，最緊要係解辣良品。冬蔭功海鮮意粉味道很特別，冬蔭功醬好惹味，意粉煮得好彈牙，每條意粉都掛到香濃既醬汁，好有fusion 感覺，意大利遇上泰國，原來可以甘有化學反應。