栢檔極品海南雞飯

Open Now

Now Closed

呢日唔係好想煮飯, 所以去左屋企附近買外賣食~ 見到呢間栢檔海南雞好似唔錯, 一於買番屋企食 我地3個人食就叫左個2人餐再加多碟菜, 佢個2人餐都好豐富, $188 有半隻海南雞, 兩個湯,兩個白/油飯, 一個魚餅或元蹄或豬頸肉,一個小食, 一碟菜,同埋仲有兩粒燸米磁~ 都幾抵食! 佢既湯係南瓜湯,夠哂足料, D南瓜溶哂落D湯度! 飲落好夠味! 有一個送我地揀左要魚餅, 魚餅份量都有好多, 食落好似係落左咸魚, 勁香! 小食我地要左鳳爪, 鳳爪冇骨, 食落好惹味! 海南雞半隻都有成盒, 拆哂骨食勁方便, 加埋佢配既雞醬勁香!D醬撈埋油飯食真係一流!