大澳德發 (Closed)

行過見到大澳德發既menu,有多款海鮮同小菜，而且店舖樓高兩層，可以坐得寬敞舒適，就同朋友一齊入去試試店員見我地見左一陣menu都未點到菜，都非常貼心過黎介紹幾款菜式俾我地，最後我地都揀到幾款菜，而且都好好味豉椒炒花甲（$128）花甲隻隻都好肥美肉厚，花甲唔會韌仲係好嫩，而且醬汁好濃，豉椒醬料炒到恰到好處，令每隻花甲食落去都好惹味椒鹽焗鮑魚（$148）另外，不得不讚讚椒鹽焗鮑魚，鮑魚外面炸過令肉汁鎖住係入面，所以咬落去時鮑魚彈牙爽口，肉汁豐富，加上椒鹽同辣椒既香味，非常美味，回味無窮招牌小炒王（$118）小炒王炒得好夠鑊氣，材料亦好豐富，最鐘意就係淋上面個d小魚乾，咸香可口，令小炒王生色不少大地魚蠔仔肉碎湯飯（$68）用大地魚煮既湯，好鮮味，加上數量不少既蠔仔，令飯吸哂所以湯既精華，啖啖都係美味菠蘿拔絲咕嚕肉（$158）咕嚕肉外脆內嫩，炸得岩岩好，啖落去每啖肉依然有肉汁，唔會炸到乾哂，而且醬汁味道都配搭得好好，唔會過酸，用黎配飯食絕佳