The BASE (Closed)

星期六行完樓上倉，搵附近餐廳食飯，呢間頗有好評，試下無妨。自己一個，walk-in都有位真好。叫咗個名好長嘅漢堡，簡單啲講咪就係牛堡囉。老老實實，而加食麥記都三四十蚊，食好西呢個價都係入門級架啦。等咗陣上枱，熱辣辣炸起薯格，塊扒又多汁又有肉味，個包又軟又香，好評係有理架，唯一要彈就係塊煙肉有啲硬同冷氣唔係好夠囉。推薦飲冰鮮果茶，生果新鮮，茶膽又調得好，埋單一百蚊落樓。小插曲，餐廳有個户外區，幾舒服，如果秋天燒嘢食都幾正。