六十六十火鍋 (Closed)

海鮮火鍋就食得多，但海鮮粥底火鍋就真係只係第一次食，一直以為出街食係要好貴，點知前幾日經過長沙灣呢間餐廳，發現海鮮粥底火鍋原來只係每位$200，所以就決定試下啦，$200仲可以簡8款海鮮，6款配菜，最後仲有粥底，真係算好抵🙈🙈貝類海鮮全部無沙，而且全部都夠鮮甜，抵讚所有海鮮都好新鮮，帶子聖子都超大隻，鮑魚同樣超有咬口，好味道！啲蝦新鮮到仲跳緊，所以職員都要用個蓋蓋住，如果唔係啲蝦就會跳出黎🙈🙈肥牛同樣高質，唔會過鞋，油脂比例啱啱好手打墨魚丸做得都好有誠意，每粒都口感豐富最後職員會細心咁問食客加唔加芫荽蔥落粥底到，最後個粥真係超級鮮甜，食完令人好滿足