榮園麵家 (Closed)

牛筋腩麵大走蔥，繼大半年前食緊野既時候坑渠傳出惡嗅，心裡依然有點尤有餘悸 ﹗見今日落開黎旺角，而且榮園以前真係超級好食，順便再黎試試啦，睇睇運氣如何，唔賭唔知時運到 ﹗牛筋同牛腩硬到您唔信，帶假牙既朋友不適宜食用 ﹗以前棉滑既牛筋腩去左邊呀？牛筋牛腩各兩件，太少喇麻？最正最穩陣係個腩汁湯底，幾十年既精華，香濃美味，正呀 ﹗係唯一仲有榮園味道產品。辣椒油已經唔係多年前有大量辣椒肉、鮮紅色既辣椒油喇，依家不香不辣，味道單調。今日又有故事，係我食緊碗麵期間總制燒 fuse，出白煙出火花呀 ﹗一大陣燶味勁嗅 ﹗無晒電，爐都開唔到 ﹗幾驚會爆炸呀 ﹗老闆都唔知點搞，最後都係要 call 師傅。