肉搏食堂 (Closed)

大家都知尖沙咀厚福街係出名嘅食街嚟㗎啦！今日咁啱經過見到呢間肉搏食堂啲牛肉丼賣相都幾吸引就入去試吓啦！我哋分別叫咗慢煮頂級牛肉盛丼($118 200g)同埋香煎頂級牛肉丼（ $118 ）咁就可以試到兩款唔同嘅牛肉，可以加（$22 變套餐有餐湯加冷熱飲品）佢哋嘅餐廳湯係麵豉湯，我仲以為係紅白湯添！我哋見到呢杯朱古力曲奇沙冰個杯好得意，所以大家都叫咗呢一杯😂（再加$18轉特飲）本身呢杯沙冰要$48，而家只需加$40就可以有餐湯同埋特飲，同埋呢度係唔使加－所以性價比都唔錯！呢度嘅飯份量都好夠，但係我覺得慢煮牛肉好滑比較啱我胃口，反而對比起香煎牛肉飯肉質就比較實啲，本身有啲厚度，所以係兩種唔同嘅食法，不過大家都係咁好味！