阿利水韓國料理 (Closed)

一如典型韓國餐廳，點餐後，侍應送來餐前小吃共10碟。蜜糖薯仔、芝蔴菠菜、柚子南瓜猶其美味。烤特級雪花牛肉 $280烤五花肉 $150兩款烤肉都無落過調味，所以燒完會變得好乾。幸好隨燒肉送上的醬汁甜甜地，烤肉點呢個就好正。燘牛肋骨 $250看食評見好多人點呢個，果然無介紹錯。牛肋骨炆得好腍，味道似以柚子汁調味過的。切得咁大舊都可以令肉質平均入味，做得非常出色。配菜的蘿蔔帶甜，腍得以匙羹輕易一𠝹便𠝹開全州石鍋拌飯 $150牛肉粒、冬菇絲、芝蔴菜、蛋黃、翠玉瓜和紅蘿蔔絲鋪滿石鍋飯上，建議加埋另上的一枝韓式辣椒醬。雖然已經攪拌過好多次，但因為個鍋太熱，始終係有一堆飯焦。