金泰子泰國餐廳 (Moved) New Location

去食泰國野無諗過會食到美味牛腩~話說好耐無去搵食，放工同個朋友去太子附近行左陣就去左搵食，就見到金泰子。我地叫左海鮮冬蔭工，竟然有八爪魚腳，而且酸辣適中，個晚凍凍地，係幾開胃。我地仲有個炒河，本身都幾好，一撈左旁邊d辣椒就辣到喊左，整體不過不失啦。重點來了，是咖哩牛腩。叫個時我地要青咖哩，但黎左個樣無青色，不過是但啦，太餓，照食。食左夠筋，大叫，好好味呀。個筋好滑好林，又無渣。咖哩微辣而椰香味重，適合撈河撈飯。最後其實唔平，連埋個肉碎生菜包，埋單差不多400，但個牛腩份量多，其實一人一個飯加個冬蔭工都夠的了。