Video
Read full review
2021-08-30
571 views
酒肉·朋友 (鰂魚涌)💛••••••••••••••••••••••••••••••✄( •8• )✄( •8• )✄( •8• )✄( •8• )••••••••••••••••••••••••••••••♥️餐點：•雞泡魚干 $68•鹽燒牛柳 $34•厚切牛舌 $58•秋葵牛肉卷 $30•鹽燒豬頸肉 $24•白金豚肉串 $28•雞皮 $22•雞軟骨 $22•免治雞肉軟骨棒 $22•手作明太子雞翼 $38•Bramble $68•Roku Gin&Tonic $68另收加一服務費••••••••••••••••••••••••••••••♥️食評：💛💛💛呢間真係大力推介啊！首先環境好有feel～痴滿咗poster同埋有啲文宣，地方唔大但係平日都幾滿㗎！好多人都放工過嚟，叫杯酒食吓串燒好正🥺💛另外佢仲有做清酒放題，真係啱晒happy friday！每樣都真係好好食，無一款伏！如果要揀頭三名推介我會揀：白金豚肉串、手作明太子雞翼、同厚切牛舌！白金豚肉串一食入口係超級超級幸福，熱辣辣之餘食到好香嘅油脂味，但並唔係成大舊肥膏嗰種！外層香香脆脆，好juicy又唔會食到豬肉嘅臭羶味！每舊都好厚所以幾
••••••••••••••••••••••••••••••
✄( •8• )✄( •8• )✄( •8• )✄( •8• )
••••••••••••••••••••••••••••••
♥️餐點：
•雞泡魚干 $68
•鹽燒牛柳 $34
•厚切牛舌 $58
•秋葵牛肉卷 $30
•鹽燒豬頸肉 $24
•白金豚肉串 $28
•雞皮 $22
•雞軟骨 $22
•免治雞肉軟骨棒 $22
•手作明太子雞翼 $38
•Bramble $68
•Roku Gin&Tonic $68
另收加一服務費
••••••••••••••••••••••••••••••
♥️食評：
💛💛💛呢間真係大力推介啊！首先環境好有feel～痴滿咗poster同埋有啲文宣，地方唔大但係平日都幾滿㗎！好多人都放工過嚟，叫杯酒食吓串燒好正🥺💛另外佢仲有做清酒放題，真係啱晒happy friday！
每樣都真係好好食，無一款伏！如果要揀頭三名推介我會揀：白金豚肉串、手作明太子雞翼、同厚切牛舌！白金豚肉串一食入口係超級超級幸福，熱辣辣之餘食到好香嘅油脂味，但並唔係成大舊肥膏嗰種！外層香香脆脆，好juicy又唔會食到豬肉嘅臭羶味！每舊都好厚所以幾有口感，大力推介呢串！
手作明太子雞翼係勁有滿足感！呢隻雞翼係雞中翼位置連雞翼尖，雞中翼已經拆咗骨，雞翼皮已經燒得脆脆的，而且有輕輕調味，一咬啲肉汁流晒出嚟！入面有大量大量明太子，加埋好滑嘅雞肉！真係超正！！
厚切牛舌睇相都知真係無呃人超級厚切！咁厚嘅牛舌但一啲都唔韌🥺🥺同其他串燒一樣，因為真係燒得好好，先做到外面乾身但入面juicy🥺一路打一路諗返起，好想再食！
其他都係超級好食😣😣朋友最愛雞泡魚干，話送酒一流，豬頸肉油脂分布好平均，食入口即溶咁濟，牛柳呢種肉本身就無乜油份，但食落都好滑，雞皮好脆，雞軟骨有咬口但唔會太硬，免治雞肉軟骨棒配特別秘製醬汁一齊燒，好夾！
另外超級推介大家試吓六角Roku嘅Gin！🥺真係飲過一次就忍唔住要買成枝返屋企嘅程度！用咗櫻花、櫻花葉、煎茶、玉露、山椒同柚子釀製而成，未飲已經聞到非常清香，容易入口而後調有微微嘅辛辣，好特別！大家都一定要試吓啊！
••••∩ ∩••••••••••••••∩ ∩•••••••••••••
✄( •ω• )♡( •8• )✄( •ω• )♡( •8• )✄
酒肉·朋友 (鰂魚涌)
鰂魚涌芬尼街11號得發大廈地下A舖
#cony去鰂魚涌 #cony食日本菜 #cony食居酒屋 #鰂魚涌 #hkfoodie #酒肉朋友
••••••••••••••••••••••••••••••
Post
