老點點心竹筒飯 (Closed)

嗰日喺旺角12點先收工，諗住喺附近搵嘢食，朋友話附近有間食點心開到凌晨兩點，所以決定去試吓。我哋去到見到有好多人等緊，搞到我好期待。門口見到新出咗煲仔飯，而且星期一至星期五每日都有唔同嘅優惠。等左大約10分鐘，入到去見到仲有好多人。點心有好多唔同嘅選擇，而且仲有啲好特別嘅款式。鮮上肉響鈴腸，腸粉皮又薄又滑，響鈴非常脆，配合新鮮嘅上肉，口感一流。鮮蝦炸雲吞，雲吞皮脆得好脆，鮮蝦鮮甜彈牙。咸香黑魚子燒賣，豬肉嫩滑，加上矜貴嘅黑魚子，賣相同味道一流。冬筍普通鮮蝦餃，蝦餃皮厚薄適中，蝦肉加左冬筍更添爽口。上湯牛肉球，上湯吧加咗雜菌，牛肉味加上茹味嘅鮮甜，使整個牛肉球味道提升咗。見到新出嘅煲仔飯再加上秋涼，梗係要試吓，可以揀四款餸，煲仔飯足夠兩個人食，鮮蝦肉餅啖啖肉，排骨同雞肉肉嫩多汁，特別推介臘腸，臘腸咬落好林，唔會太肥。一口忌廉焦糖蛋，甜度適中焦糖香脆，台式石榴小布甸，布甸有清新嘅石榴味，口感一流。店員服務態度細心，一坐低就開始介紹有乜好食，而且一見我哋隻杯冇茶就即刻幫我地加，上煲仔飯時仲主動幫我地落豉油，服務態度一流。