牡蠣酒場 (Closed)

今日放假去咗銅鑼灣行街,行完街諗住喺附近搵啲嘢食,朋友極力推介去咗一間蠔吧,入面啲生蠔同埋刺身都好好味值得推介。牡蠣酒場, 灣仔謝斐道535號tower 535 1樓,餐廳環境整潔,地方闊落,感覺好舒適。岩手広田灣 118元生蠔size好大,入口蠔味香濃,蠔身飽滿,口感好creamy。長崎縣五島列島 98元 生蠔好新鮮,海水味偏重,比較爽口。海膽忌廉意大利麵 198元意大利麵配上海膽味道真係好特別,將海膽嘅鮮味融合喺意大利粉入面,味道層次豐富,鮮味突出。燒牛柳沙律158元牛柳份量好多,牛肉味香濃,配上沙律醬味道帶一點清新,特別開胃好味。胡麻油甘魚刺身 98元油甘魚好肥味味道新鮮,入口淡淡魚油嘅香味,加上開胃醒神嘅胡麻油洋蔥芝麻增添味道層次口感鮮明。天婦羅明太子口感非常特別,用紫蘇葉包著明太子,炸到外面金黃色,入口非常香脆,口感同味道配搭得啱啱好。汁燒鰻魚鰻魚非常肥美燒到啱啱好,加埋啲鰻魚汁令味道更豐富, 入口陣陣魚油香味。