蠔站 (傲雲峰)

Open Now

Now Closed

在網上有朋友推介這間餐廳，所以咪去試試，點知如要訂位坐室內(因太太怕熱)，要訂兩星期咁耐，真誇張。晚飯係有時間限制，每段2小時，我選擇了早段，由18:30-20:30，心諗兩小時一定夠時間食啦。我地二人大概18:40去到，因訂了位，所以不用等。餐廳內面積很細，枱亦很小，大概只可坐20人左右，唔怪得在店外要開多幾枱啦！我訂位時，已經order埋36隻生蠔(堂食只需$10一隻，仲要冇限數量)，同埋一份30oz牛扒，坐低冇耐，已經先上18隻生蠔，食完之後再上另外18隻。食生蠔前，員工已開始為我地準備牛扒，因太太比較怕食生牛肉，所以選擇食7、8成，但員工極力推薦靚牛扒食4、5成便夠了，最後都令太太嘗試，那個員真利害！食完生蠔之後，再點了兩款小食，食完之後，牛扒上枱了，30oz牛扒，雖然係大，但未至於我想像咁大，可能我大食啦😁，至於牛扒味道都Ok架。原先諗住食下佢唯一甜品，但因時間關係所以冇試，留返下一次啦，原來兩個小時真係啱啱夠😅