莆田 (形點 I)

Open Now

Now Closed

聽好多朋友都推介過莆田好吃，今日終於有機會試試啦！餐廳環境好舒適，首先要讚下這裡的服務，姐姐好親切，經理仲親自同我們介紹菜式，好nice!見餐牌原來哩期做緊【莆田鰻魚節】，好吸引呀！😍鐵板香煎鰻魚鰻魚好鮮味，佢標明係活鰻魚，所以只需要加少少海鹽同檸檬汁就已經超級美味，因為係鐵板上，就算吃到最後，魚皮都仲係脆的，超讚。👍👍👍閩香洋燒排醬汁少少酸甜，重點係成條肉排燜到啱啱好，淋得來又有咬口，好夠入味，吃到廚師嘅烹調功夫。👍👍👍冰浸苦瓜第一次吃生苦瓜，原來都幾特別，因為去了皮，切得好薄，配埋蜜糖吃，又幾夾喔！莆田扁肉湯果然係皮比肉更加香，原來皮係用肉整的，真係好考功夫。興化炒米粉米粉好特別，比平時吃開的米粉細條好多，有點似新竹米粉，配料豐富，有冬菇絲、花甲、青菜、蝦仁、腩肉片，配埋自家製作的辣椒醬真係好嘢味!原來辣椒醬係老闆娘自己研製出來，用青紅辣椒、蒜蓉同青檸製成，仲可以買返屋企。今餐真係好滿意，下次要帶屋企人一齊來。