樂天經典 (奧海城二期)

Open Now

Now Closed

難得一星期放假一天，今日就陪媽媽行商場同食好野，上openrice 見到咁多好評就入左哩間中菜館，我地二人食完都覺得值得推薦。店員安排我地既座位近門口，不斷見到有人等位睇黎都好多捧場客。天熱咁熱就叫左杯薏米水飲，解渴又美顏，最近都好中意飲。知道媽咪中意食菇所以就點左哩碟雙菇西蘭花，完全岩晒佢既口味，冬菇厚身爽口，好正！再黎一鍋哩度既招牌菜，個名好特別，老鼠粉聽落有d驚，但感覺新鮮，第一次食，面頭淋上咸魚同檸檬汁，味道係意外地好食，嘗到傳統的味道。還有哩道看似平凡既苦瓜排骨，用料好新鮮，食到排骨既鮮肉味而唔係雪肉，我超中意食哩個菜呀！苦瓜甘甘地，同個豉椒醬汁超夾，大讚呀！下次黎開奧海城行街會再黎食呀。