九份•十分 (Closed)

食尼間餐廳係住係上水既同事推薦既，之前食開既台灣餐廳全部都係肉燥飯，肉燥麵，仲有炸物之類。尼間係我食既第一間有咁多菜式選擇既台灣餐廳！菜式十分豐富！我地两个女仔點左三個菜，一個炒飯作為主食，另外一個酸菜魚同茄子煲。個炒飯不得不說啲料真係勁豐富，鮮滑既蝦仁，蟹子尼個飯晚市都係的78蚊，抵食呀！大腸茄子煲，尼個煲平時可能比較少人點，因為唔係個個都食大腸。幸好我同朋友都食，所以無存貨尼個美食！尼個煲醬料香濃，火候又夠，大腸乾淨無異味，茄子又夠曬入味，對於如果個會食大腸既人既講，十分推介！酸菜魚一向係我至愛，無論去到邊，只要有酸菜魚我都會試下，因為朋友唔係好食得辣，所以點左微辣，但係唔知點解微辣都一啲都唔辣，酸味係夠既，特別酸豆角！超級酸爽！魚肉嫩滑無骨，推薦食辣既朋友可以食辣啲！最後埋單290，個人覺得尼個價錢係普通茶餐廳價，但係尼個餐廳出品高於茶餐廳！會再既試！