煥林粉麵食店 (Closed)

煥林雖然我未至於由細食到大，但的確睇住佢搬左幾次舖，曾經有一次搬左之後就無再開舖，好彩我朋友有佢FB，所以知老闆的近況，例如無開舖之後同老闆娘去玩等等，都可以知道，而最開心的消息就係佢地係銅鑼灣營多入面開左舖，煥林又重新了，所以好開心，我地又去左幫襯好多次，因為佢的沙茶醬撈面同格仔餅真係好正，我最愛的就係格仔餅，不過搬左去營多的煥林就變左星期一休息。今次我去煥林就叫左豬扒沙茶撈麵，再加左一個新產品鹽酥雞，先講下豬扒撈麵，塊豬扒真係好好味，而且佢煮的撈麵軟硬又適中，不會太淋，所以撈起來好好食，老闆亦會問埋你地要唔要加沙茶醬，加左真係好好味，不過上次老闆再加左隻泰式醬仲更加好食，如果今次有，五星推薦都可以有。之後就係鹽酥雞，係之前我嚟的時候未有的產品，當然我唔知佢推出左幾耐，畢竟呢排少左出銅鑼灣，但係呢個鹽酥雞真係好正，脆卜卜，調味都適宜，不會過鹹。以下評分以5⭐️為滿分推介⭐️⭐️⭐️⭐️