和処 酒肴 (Closed)

Sakana ，我已經第二次喺度食廚師發板，第一次同另一半，叫咗$880嗰個餐，之後同屋企人嚟食，就全家都試咗最貴嗰個餐。😂😂佢嘅分別係前菜嘅量，壽司嘅量，同刺身嘅種類會有分別。去嘅前菜好豐富，我記得貴啲嗰個餐有一啲用湯煮過嘅有支豆 ， 有螢光魷魚，有煮過嘅雞肉卷。佢嘅煮物都好有心思，係一個壺蘆裝住嘅魚湯，壺蘆嘅上層有啲芝麻俾你到落去個湯度食。而我覺得最吸引嘅就係佢嘅壽司，八件壽司都係唔同種類嘅魚，中拖羅同大拖羅真係好新鮮好好食，海膽都係裝滿成件壽司架！第一次嚟嘅時候試過師傅整嘅八爪魚，因為師傅會幫隻八爪魚按摩，所以佢嘅肉質好鬆軟。如果要慶祝的話同嗰個好幽默嘅侍應講定你要係個甜品度有慶祝句子，佢都會幫你整。總括來講係非常之好味！