東園酒家宴會廳 (Closed)

最近返新工知道灣仔附近有間品錯既酒樓，所以今晚就同屋企人來吃晚飯。脆米吊燒雞（$120）：用上本地的新鮮農場雞來燒製，所以特別有本地的風味，亦唔洗驚係冰鮮雞。雞肉不但鮮滑，而且肉質軟嫩，再加上即叫即燒，所以金黃脆皮，十分脆口，再加上用上米炸成脆米，所以脆米都十分香脆。片皮鴨（$108）：北京片皮鴨平時都食得多，但要食到好食相信都好少，但是這裡的片皮鴨真係好有北京風味，見到師父即場將鴨肉片出來，所以係一定非常新鮮。加上，皮皮的皮，食落非常有鴨味唔會太肥。加上，大蔥同醬料夾住鴨肉來吃就更別有風味。涼瓜炆鴨件（$68）：用番片皮鴨的原隻鴨肉來煮涼瓜，不但將涼瓜的苦味除去，更加可以將鴨肉的味道吸收涼瓜的味道，令到鴨肉更加鮮甜，而且鴨肉份量都十分多，真係絕對抵食。總括來說，這裡價錢十分合理，份量亦都十分大，非常岩一家人來吃。