HeSheEat (綠楊坊) (Closed)

今日同朋友去左荃灣HeSheEat食晚飯。今日點了牛油果蟹肉凱撒沙律，鮮魷魚火辣墨魚汁意粉，紅花海鮮燴意大利飯，心太軟（比利時朱古力心太軟，朱古力慕絲配朱古力雪糕）,士多啤梨牛角包窩夫，宇治抹茶士多啤梨鮮奶。個座位幾得意，個鏡加埋成個心形。牛油果蟹肉凱撒沙律：成碟都好豐富，有新鮮牛油果，麵包，新鮮蔬菜，水牛芝士，煙肉粒加入沙律醬配合埋蟹肉簡直係清新。鮮魷魚火辣墨魚汁意粉：意粉有口感，加入墨魚汁個賣上都好好，少少辣更加開胃。配合新鮮魷魚好味道。紅花海鮮燴意大利飯：飯軟硬得宜，海鮮新鮮足料。燴起來濕濕地易入口。心太軟：朱古力雪糕加上朱古力粉，心太軟熱辣辣同流心朱古力係朱古力迷都喜歡。士多啤梨牛角包窩夫：窩夫香口包著cream,甜甜地好味道再加上士多啤梨雪糕簡直一流。宇治抹茶士多啤梨鮮奶：抹茶雪糕好香抹茶味，士多啤梨新鮮可口加入鮮奶中，底部仲有士多啤梨醬同士多啤梨，好味道。