叁不館

Open Now

Now Closed

係度叫左勁多野食,呢度係打邊爐愛好者既天堂。朋友中意食花膠,所以我地叫左花膠雞鍋,用料豐富。嫩滑既雞件同埋彈牙有嚼勁既花膠好match,我地飲完湯又食左少少花膠。但好味既野陸續有黎,之後仲有特大蟶子,蟶子口感鮮美，味道獨特。南非鮑魚洗得乾淨,仲要有冰keep住佢既鮮度,好正。蝦可以選份量,幾隻已夠我地2人食。好鮮甜。另外叫左貴妃蚌,鮮味濃郁,打邊爐食到佢既鮮味。九肚魚嫩滑中帶口感。黃金炸鮮魷都好正,有蛋黃流沙既感覺。蔬菜拼盤有好多款菜,全部都好正!今晚樣樣都試到d,滿足。最後仲有西瓜,好甜。好中意呢間野。會再encore!