La Rotisserie (禧利街) (Closed)

呢間 La Rotisserie 幫襯過幾次午市套餐，四分一隻燒雞+兩款伴菜+湯，物有所值而且夠晒飽肚。舖頭雖然唔大，但都有十幾個位可以堂食。我通常都會揀坐對住廚房嘅位，可以睇住啲燒雞喺個焗爐入面轉下轉下。今日唔係好肚餓，見佢有法式鹹派同埋燒雞法包供應，就叫個燒雞法包試試。落咗order之後，店員就將大碗入面嘅雞肉塞落個包度，再加啲生菜同沙律醬，美味嘅法包就完成了。雖然個包無烘過，個皮唔係太硬，但本身發酵得幾好，見到入面有好多氣孔，亦有麵粉香。雞肉因為無連皮嘅關係，比較健康，有百里香嘅味道。生菜新鮮爽脆已係基本要求。醬汁應該係沙律醬溝煉奶？食落微暖有少少甜味，幾開胃。