Y Pasta

事緣我隻Apple Water 有問題唯有去沙田APPLE Shop 整錶，整完架要揾野食啦，加上之前好運中心大改革後開左好多新餐廳，為食的我架要揾下有冇啲性價比高的餐廳啦，見到有間食意粉的西餐廳好似唔錯叫「Y Pasta」咁就入去試吓啦。 香辣水牛雞塊雞件果辣咁校得啱啱好唔會死辣，同埋果雞皮炸得好香脆，唔會因撈左啲辣汁而搞到佢冧左。 黑松露野菌醬薄餅呢個黑松露野菌醬薄餅皮比較薄，所以比較香脆，加上黑松露夾埋啲菇菌真係好夾好香好好味。而加上呢個係素食者友好的菜式。 肉醬千層麵除左加菲貓好鐘意食肉醬千層麵之外其實我都好愛食肉醬千層麵，如果餐牌上有提供的話我一定必叫的，呢間啲肉醬千層麵一啲都冇必我失望。