胡爐 (Closed)

放假就約朋友食餐好嘅，於是揀咗嚟呢度食火鍋放題。餐廳環境行中國風嘅路線，古色古香。煲底共有三款，分別係雞煲、醉鴨煲同黑白胡椒卜卜蜆煲。除此之外仲包一次性嘅時令海鮮拼盤、胡爐拼盤同埋手工丸餃拼盤。另外仲有任點嘅火鍋配料同埋要加錢嘅單點火鍋配料。落完單，店員先放低醬料，客人自己選擇個人喜歡嘅醬料並自行調配份量之後送上每人一客佛跳牆，雖然係送，但係味道都唔錯，個汁幾濃郁，鮑魚同冬菇都好入味，娃娃菜好夠腍。煲底方面，我同朋友就決定揀黑白胡椒卜卜蜆，一上枱就聞到好大浸胡椒味，啲蜆大大隻，蜆肉脹卜卜，幾鮮味。胡爐拼盤份量都幾多，有澳洲和牛、牛舌心同黑毛豬豚肉，肉嘅質素都唔錯，肥瘦均勻，幾重肉味，個人最鍾意牛舌心，好有咬口。手工丸餃拼盤款式都幾特別，分別有黑松露墨魚丸、手打蝦丸同牛肉芝心丸，口感都幾紮實而且彈牙，我特別鍾意牛肉芝士丸，芝士味道香濃。而手工餃有泰皇鮮蝦雲吞、XO醬帶子餃同魚皮餃，餃子皮厚薄適中，餡料都幾飽滿同鮮味。時令海鮮拼盤有蝦、鮑魚、大蜆、帆立貝同蠔，都幾新鮮，蠔食落滑溜溜，其他海鮮則爽口彈牙。食完一次性嘅火鍋配料都差唔多飽，我哋另外仲叫咗炸魚皮、豬頸肉、豆卜同金菇。炸魚皮脆卜卜，