八壹 (Closed)

今日同朋友試食呢個便宜早餐（五香肉丁公仔面、吞拿魚三文治、熱朱古力）賣相好靚 三文治配上新鮮既生菜以及吞拿魚，吞拿魚幾足料，咬落鮮甜得黎仲好爽脆添，感覺幾清新。公仔面個面底幾煙靭，配埋五香肉丁，雖然唔係話好特別，但朝早食個辣辣地既面，都真係幾醒胃。朱古力同我地平時係茶餐廳飲到既味道無乜分別 勝在用個黑白淡奶既耳仔杯黎裝，睇落賞心悅目好多。總括而言，早餐個三文治絕對係焦點！成個早餐大眾化得黎又算係平，係灣仔呢d貴價地方，算係難搵架啦。