滿江紅小甜甜 (Closed)

朋友約放工食飯，揀左一間叫滿江紅小甜甜嘅餐廳，係食川菜嘅，上網睇下餐牌，啲野好似好好食咁喎，一於一齊試下佢。跟住地址黎搵，附近啲餐廳都燈光火猛，唯獨小甜甜門牌唔用燈箱，好彩地下有射燈，真係唔多顯眼呀。🌶️麻辣涼粉落完單就傾下偈等食，估唔到啲菜好快上喎，先黎份冷盤麻辣涼粉，少麻少辣好啱口味，仲有生蒜香，涼粉爽口滑溜，作為開胃菜真係唔錯。🌶️麻辣肥腸煲嘩～好多大腸正呀，處理得乾淨無異味，醬汁入晒味好好味，加上大腸嘅口感真係無敵正，煲底有少量青瓜、薯仔同蘿蔔條，吸飽醬汁都好好食，由其係蘿蔔，特別鮮甜呢。🌶️乾鍋菜花菜花炒得好香口啊，仲有腩肉一齊炒，辣椒惹味，再加埋豬油嘅甘香，另到呢碟菜花色香味俱全，好食！🌶️火爆牛肉再點左碟牛肉，店員告知呢味會比較辣，好吖，試下佢先，返正朋友嚐辣應該無問題嘅。入口第一口係甜嘅，之後啲辣味就出黎啦，又甜又辣唔止夾，仲好好味添。牛肉厚切有咬口，糖面脆脆地，牛肉嫩滑，口感相當豐富，個人黎講唔算好辣，食完唔使飲野先啦。🍚白飯啲餸咁正真係忍唔住要叫白飯，汁都撈埋好滿足。🍹珍寶青檸樹朋友點嘅青檸沙冰，用大啤酒杯上，酸酸地加上冰冰涼涼，啱晒食辣野飲呀。🍹木瓜奶自己就點左杯木瓜奶，