樂舍 (Closed)

放工後自己一個去覓食，係觀塘search到呢間專食石燒牛就決定食佢啦！餐廳都幾容易搵，日式裝修，空間感好大，坐得好舒服！話明係食石燒牛，當然要試一試佢肉眼牛扒，自己一個叫左個300g的澳洲牛肉眼！每個石燒自選餐都會跟一碗湯，沙律同飯，沙律可以當開胃前菜，湯可以解膩！黎到主角部分，上到枱，職員會預先鋪張紙巾係面，以防石燒上的滾油彈起！肉眼牛扒鮮嫩多汁，雖然佢有配上醬汁，但唔使沾都已經好夠味，再將牛扒放上飯到，又係另一個口感，再配上百搭的可樂，真係一個美味的享受！