丼家和食 (Closed)

雖然元朗一向小店多，但黎到元朗都係唔知食咩好，本身諗住食米線，經過見到依間就日本料理，未食過就諗住試下新野，雖然午市套餐都幾多選擇，但又唔想食生冷野，見到隔黎台個個都叫三文魚親子丼，睇落都幾新鮮，飯上面放滿三文魚，但因為隔離唔識既，比唔到相大家睇，我自己最後無簡到午餐，點左個石鍋泡菜牛肉飯。有蔥洋蔥牛肉雞蛋泡菜大豆芽同菜，佢洋蔥無咩洋蔥味，幾好，因為我本身唔太食洋蔥，材料都幾多滿滿一大碗，黎到既時候仲熱騰騰，最鐘意食夠熱既野，因為成個煲都好熱，慢慢食都唔會凍哂。味道都唔錯，有泡菜味，有小小飯焦好香口，鐘意食拌飯既人都可以黎試下。比埋午餐餐牌大家參考下，都幾多選擇架。