阿利水韓國料理 (Closed)

尖沙咀真係有好多韓國嘢食㗎， 一諗起想食韓國嘢就會諗起去尖沙咀， 朋友介紹咗我上嚟阿利水呢一間韓國餐廳， 佢之前食過食物質素幾好，都坐得幾舒服。天氣咁鬼熱首先一坐低就要求咗要壺冰水 降下溫先啦例牌韓國嘢 就一定會有呢啲餐前小食一大堆， 阿利水嘅餐前小食都幾特別 而且款式夠曬多， 除咗 辣泡菜 我最欣賞佢個辣味 醃八爪魚， 又鮮又彈牙。海鮮石鍋湯 辛辣香口夠曬惹味，仲要餸多個湯， 豐富到不得了， 大量蔬菜冬菇 豆腐 八爪魚片肉同蝦， 飲佢都夠曬飽曬， 呢個一定要趁熱飲先至夠滋味。又係八爪魚 今日食餐都係八爪魚 石鍋八爪魚拌飯， 個石鍋仲係溫度非常之熱 將啲生蛋撈埋啲配料同埋八爪魚轉個頭就變咗飯焦啦， 效果就好似我哋平時食嘅煲仔飯咁，正正！最後就係個海鮮炒飯 每一粒米飯都飽滿晶瑩， 蝦，蜆肉，八爪魚都係主打嘅配料， 撈埋啲蛋同埋芝麻一齊炒 食落又有另一番滋味。