肉骨皇 (Closed)

囡囡好鍾意飲肉骨茶，因為好耐冇飲過😁，佢叫我帶佢去飲。我自己飲過好多間，覺得大坑嘅肉骨皇真係數一數二。👍今日我就同囡囡去到肉骨皇食午餐，呢度嘅環境幾有東南亞味道，播住啲東南亞歌曲，老闆娘幾nice會同客人談話家常。我哋點咗呢度出名嘅海南雞飯 （$120）同埋一碗肉骨茶湯（$48）。海南雞飯份量幾多，油飯成個金字塔。雞肉去骨啖啖肉，肉質滑溜，好食👍😁 好鍾意個肉骨茶，味道濃郁，好正宗，裏面有幾嚿豆卜同金菇。