Video
Read full review
2021-04-25
102 views
平時都鍾意打吓邊爐嘅我，今次由朋友介紹去左試旺角一間食花膠雞煲嘅火鍋店，唔駛問，花膠雞鍋就係呢度嘅招牌菜，不過最勁嘅係，原來呢度做緊個推廣，四個人嚟食，你就可以叫佢哋嘅一蚊花膠雞鍋，呢個價錢，唔試下又點對得住自己呢。我哋揀咗平日嚟食，因為比較容易book位，餐廳地點方便，旺角地鐵一出，行兩分鐘已經到。上到去一坐低，侍應已經叫我哋一定要試個花膠雞鍋，仲同我哋講其他嘢食可以逐樣嗌，因為個鍋本身都已經好飽，我哋四個女仔食嘅話，驚叫得太多會食唔曬。 朋友負責睇餐紙，我就負責等食，望下餐廳嘅格局，啲座位都幾舒服，而每一張枱都有消毒液俾客人使用，非常貼心。而遠處見到有個海鮮魚缸，畀客人即叫即劏，鍾意食海鮮嘅朋友，都可以bookmark依間下次嚟試下。好嘞，講返我哋嘅主菜先，雞鍋同花膠係分開上嘅，雞見到係成隻上，淨係睇湯底顏色都已經知係好濃，花膠亦都滿滿一碟，落咗花膠之後一陣，侍應會過嚟幫你將隻雞剪件，我急不及待夾咗隻雞髀食，超嫩超好味，再試埋個湯，真係好正，侍應仲提我哋可以加湯任飲唔嬲，讚！ 花膠夾起都好大件，食落好黏兼吸左雞湯鮮味，我哋四位女士，一路食一路傾，好快已經清咗成隻雞同啲花膠，到果刻都
我哋揀咗平日嚟食，因為比較容易book位，餐廳地點方便，旺角地鐵一出，行兩分鐘已經到。上到去一坐低，侍應已經叫我哋一定要試個花膠雞鍋，仲同我哋講其他嘢食可以逐樣嗌，因為個鍋本身都已經好飽，我哋四個女仔食嘅話，驚叫得太多會食唔曬。
朋友負責睇餐紙，我就負責等食，望下餐廳嘅格局，啲座位都幾舒服，而每一張枱都有消毒液俾客人使用，非常貼心。而遠處見到有個海鮮魚缸，畀客人即叫即劏，鍾意食海鮮嘅朋友，都可以bookmark依間下次嚟試下。
好嘞，講返我哋嘅主菜先，雞鍋同花膠係分開上嘅，雞見到係成隻上，淨係睇湯底顏色都已經知係好濃，花膠亦都滿滿一碟，落咗花膠之後一陣，侍應會過嚟幫你將隻雞剪件，我急不及待夾咗隻雞髀食，超嫩超好味，再試埋個湯，真係好正，侍應仲提我哋可以加湯任飲唔嬲，讚！
花膠夾起都好大件，食落好黏兼吸左雞湯鮮味，我哋四位女士，一路食一路傾，好快已經清咗成隻雞同啲花膠，到果刻都真係半飽左。
之後再嚟另一個招牌菜，安格斯手切肥牛，朋友上次食過話正，所以今次嚟要再食，講真賣相一嚟已經好吸引，牛肉嘅色澤同雪花紋都好靚，絕對唔係平時放題果種普通質素，食落嘅口感及肉味都係上級之選。
之後再食其他火鍋配料，有響鈴、鴨血、蝦滑、牛丸等。。（掛住食，有好多唔記得影相😂），所有嘢都係好新鮮，冇雪味，值得一讚。
比起其他放題嚟講，依度散叫可能仲平仲抵，我哋每人唔使200蚊就攪掂，真係超抵超滿足，未試過嘅朋友，真係值得一試。
Post
