城意 (Closed)

位於黃埔的葡國菜餐廳，食物質素幾好，價錢合理，服務都不錯。平安夜當晚試咗佢地嘅Christmas Menu 4人餐(未計加一$1388)，包任食自助沙律吧和4杯節日特飲。頭盤有兩道：火紅吞拿魚腩釀牛油窩夫 - 吞拿魚蓉味道不濃，窩夫酥脆，幾特別嘅配搭。香酥果仁花鴨胸配百香果陳醋 - 鴨胸肥美，厚切7成熟，鴨肉嫩滑，肥膏部份燒得焦脆，油香四溢，好好食。湯就係毛蟹肉海鮮濃湯配烤海鮮碟。海鮮濃湯除咗蟹肉，另有肥美鮮蠔、爽甜大蜆、魚柳和帶子，好豐富嘅一道湯。三道主菜都很有質素。赤燒西冷蓋頂扒配燒蕃薯蓉和扒菜 - 牛扒燒得剛好，肉汁豐腴，有肉味。慢煮聖誕燒雞卷配醬燒海鱔 - 燒鱔厚切，燒得幾香口，肉質彈牙，但有些碎骨。燒雞卷傳統煮法，有用雞肉和煙肉包住讓餡，味道都不錯。醬香鮑魚配海膽醬葡國燉飯 - 好有水準嘅risotto, 個汁好好味，好creamy，濕度剛好。鮑魚粒不多，味道亦被risotto個汁蓋過。