八目燒串燒專門店 (Closed)

今日去咗北角，記得朋友講過呢條橫街有好多餐廳，就特登去睇吓，行咗一圈，揀咗呢間新開嘅日式餐廳。叫咗$98嘅午市套餐「蒲燒鰻魚爆丼伴溫泉蛋玉子定食」，仲包沙律、前菜、麵豉湯、飲品。沙律先上，幾新鮮，配有酸酸甜甜嘅沙律汁好開胃；麵豉湯都唔錯；前菜係醬油牛舌，呢個出奇地好味，牛舌非常軟，煮得啱啱熟，有小驚喜😋跟住上埋「蒲燒鰻魚丼飯」，飯面鋪滿鰻魚，全部係一口bite size, 食起嚟非常方便；仲有隻溫泉蛋，整體賣相好靚，個丼碗晤係好大，但係其實份量都幾多；鰻魚肉質軟熟好味，配合燒汁同飯一齊食好正😋飲品我就叫咗熱咖啡，幾香幾滑。簡單而滿足嘅一餐😁