Piccolo Pizzeria & Bar (爹核士街) (Closed)

同老朋友相約係西環暢聚，我地去左一間適合傾偈既餐廳食飯。間餐廳叫Piccolo Pizzeria and Bar，係堅尼地城個邊，專食pizza。我地叫左夏威夷薄餅(11寸，HKD 165)，蜜糖雞肉沙律 (HKD 120)，飲品就要左雜果賓治 (HKD 40)，1664 啤酒 (HKD 62)。先黎既係薄餅，分量大，而且非常熱辣辣。一放芝士粉，就即刻溶哂，正。材料有蕃茄醬，巴馬火腿，菠蘿。巴馬火腿肉質非常細嫩，好好味。至於個雞肉沙律，分量幾大，有好多沙律菜，蕃茄同雞肉，同個醬汁非常配搭。杯賓治就不過不失，而杯啤酒口感就非常厚，正。