盈記四季養生麵館

Open Now

Now Closed

之前食過一間超好味既藥膳雞但自從佢執左笠之後，就再搵唔反個味道早排行過灣仔，原來有間飬生麵館日日見佢都排長龍，又有我至愛既藥膳湯當然就要去食下，睇下搵唔搵得反個感覺😆🔆藥膳農場雞蟲草花養生湯有驚喜，個藥膳湯底好好味，清甜得來紅棗味濃，再有小小藥材味，真係好好飲，配蟲草花同米線一流，雞肉都好嫩滑！🔆肥牛叻沙嗲肥牛多，沙嗲味好濃郁，豆卜吸曬啲湯汁，好好味，配米粉都係不錯既選擇！🔆藥膳浸雞腳雞腳炆煮到好淋好入味，一食入口，骨肉分離，好味！好味！🔆涼拌手撕雞青瓜絲、木耳絲加埋雞絲配上特別既調味料，食起上黎清新可口，雞肉仲好有雞味！