緣屋 札幌元袓蝦湯拉麵 (信德中心)

Open Now

Now Closed

每次去澳門都會黎信德中心碼頭搭船過大海，黎左咁多次都冇發現呢度有間高質拉麵店。呢度主打蝦濃湯拉麵，另外都有原味味噌湯拉麵比食客選擇。我當然就點左招牌既味噌蝦濃湯拉麵（$78）🍜！拉麵上面舖滿左香口既蝦米仔，提升左成碗麵既鮮味。日本青蔥令拉麵錦上添花，豚肉同埋溏心蛋亦相當美味佢採用既係粗身既拉麵，同埋湯底有少少油膩，如果可以比客人選擇多/少油或者面既軟硬度會更好。男友點左原味味噌拉面（$72)，湯底同樣十分濃郁美味。另外我地點左日本赤蝦沙律配和風醬汁($55)，蝦炸過黎十分香脆可口，明知熱氣都忍唔到口我好中意呢一個小食和風蝦春卷($33)，春卷皮薄所以炸得黎唔會感覺油膩。