彩龍茶樓

Open Now

Now Closed

川龍一向以西洋菜聞名，但一直未有機會去試。今日朋友帶路由城門水塘行過嚟，終於可以一試香港碩果僅存嘅自家種菜及鄉村茶樓。呢度啲點心要自行攞點心紙去樓下counter 自取。可以同阿姐撘句嘴問吓有乜嘢食。基本上大路點心為主，加少量懷舊菜如臘腸卷等。呢度係西洋菜同炸點嘅檔口，由於即叫即返炸/烚菜，人多時可能要稍等。西洋菜係必叫，其他菜蔬也多數新鮮。上面有鵪鶉蛋燒賣，鯪魚球，山竹牛肉，金沙豆腐同糯米雞等。全部正常味道，菜就平靚正又大碟，依然係鐵膽。