LAVA Bar & Restaurant (Closed)

朋友介紹，話太子有間好好食嘅酒吧餐廳。所以呢日過左黎試，熟口熟面，或者之前也唔小心幫襯過。餐廳每個角落都放左酒樽既擺設，加上西班牙油晝作裝飾，幾有情調。見到有我最愛既生蠔，雖然唔算好大隻，但都肥美creamy。法國菜苗沙律，配上48個月黑毛豬火腿 同 脆烤藜麥。蔬菜新鮮、火腿很香，加埋細細粒藜麥可以增加口感。小食揀咗西班牙式炸薯粒配溫泉蛋。先試一粒薯粒，薯粒啱啱炸起，熱辣辣香脆可口。之後撈埋温泉蛋同底層既蕃茄香椒汁一齊食，薯粒立刻被降温，由乾身變到痴滿醬汁，又係另一番風味。主菜揀左西班牙海鮮飯，由於制作需時，所以食完頭先既前菜時間岩岩好。估佢唔到咁大鍋，上面鋪滿左新鮮既海鮮，好足料。蝦夠大隻又爽口，蜆又大粒又鮮味。仲配有西班牙香腸。飯煮得剛剛好，唔會太硬或太軟。食完已經好滿足，但一餐飯總要加埋甜品先算完滿。所以點左呢個LAVA 分子蜂蜜海綿蛋糕配意大利雲呢拿雪糕。藍色既分子入口即溶，感覺好特別。海綿蛋糕好鬆軟，透出濃濃既蜂蜜味，配上香濃既雲呢拿雪糕perfect match。多謝朋有介紹左間咁好食既西班牙餐俾我地，相信會有再來的機會。