紅椒力量 (Closed)

好耐冇入過屯門，人生路不熟，只好行商場，順便食個lunch，經過見到有間紅椒力量，主打星馬泰菜式，睇下個餐牌，都幾啱食，一於試下，假日的下午都幾多人要等。 餐廳內堂以木系為主，燈光柔和，感覺relax。 Menu，食物尚算多選擇。 馬來串燒(半打)，＄68，要了牛及雞各半，味道香口惹味，肉質少許韌。 雞腳湯，跟餐的，味道不俗。 泰式鹵豬脾飯，＄65。 賣相十分吸引，豬脾份量多﹐入口感軟滑，豬皮彈牙香口，味道濃郁好入味，不過都幾肥膩，鹵蛋色水靚但味淡，口感有硬實。 珍多冰，跟餐＋＄10，味道正常水準。食物味道不俗，價格合理，服務都幾好呢。