Burger Lab

Open Now

Now Closed

佐敦不嬲都多好嘢食，今日我就去咗一間IG成日見到有人打卡嘅佐敦人氣漢堡包店 burger lab～呢度鋪面唔大，但係五臟俱全，有啲高枱座位可以坐，見到個環境都幾好，於是我哋就堂食。呢度漢堡款式好多，而且非常吸引，選擇困難症之下，我揀咗鵝肝和牛漢堡，因為鵝肝同牛呢個配搭通常都冇得輸。我一路坐都見到店員喺入邊煎扒同埋炸薯格，勁香非常期待。整完之後佢就會serve上枱面。新鮮出爐真係超級正，首先啲薯格口感非常好，脆得來又唔會太硬或者熱氣，好高質，份量仲勁多，唔會兩三下就食完。漢堡又真係不得了，首先啲包有烘底，口感好好，再加埋佢個扒勁厚，一食啲肉汁必出嚟，牛肉又好香，成件事好正，再加埋鵝肝呢個配搭真係超好味，成個包非常足料，又好味，非常抵食。打食評都打到流晒口水，一定會再幫襯。