越男仔 (Closed)

👍 招牌手撕雞拼扎肉椰汁酸湯金邊粉 $62扎肉唔會得個腍字，係帶爽的。手撕雞幾滑. 酸湯無想像中咁酸，可能係因為混合了椰汁的原故。金邊粉唔錯，因為我鍾意偏腍的麵，所以上枱後我放多十分鐘先開始食。冰鎮蜜糖凍蕃茄 $35餐牌顯示此小食在台灣高雄啤酒節的得獎菜。蜜糖淋佈大蕃茄，酸味得以中和。冰鎮的製作方法最啱夏天進食。👍 法式芝心蝦多士 $38芝麻佈滿多士外層，炸蝦多士香口乾身，入口鬆脆，唔會成口油。👍 香茅薑蜜 $25香茅加入飲品，充滿越南口味。薑有少少辣，但同蜜糖好夾。