Just Eat (Closed)

西環有幾間越南餐廳，位於西營盤嘅Just Eat係我最喜愛嘅越南餐廳之一。今晚心血來潮想食越南野，但由於疫情關係全面禁止晚市堂食，所以只好叫外賣買番屋企食。素菜芒果卷($48) 味道清新，但口感較乾身，點汁食起黎味道酸酸甜甜幾開胃。Just Eat春卷($52)外皮炸得香脆，餡料有豬肉碎、蘿蔔絲等，包著生菜一齊食減輕油膩感。濃味牛湯浸手切牛肉河($78) 餐廳貼心地將河粉同湯分開放，食嘅時候就唔洗擔心D粉比湯浸爛哂☺️👍🏻！雖然牛肉由餐廳帶番屋企途中浸到D牛肉熟哂，但完全冇影響到牛肉嘅質感，入口食然係好嫩。牛湯牛味香濃，整體黎講係一碗高質嘅牛河！😇