七月烤魚 (Closed)

今天行過將軍澳新都城，見到間烤魚店，做緊七月特價，全埸七折，門口已經聞到香噴噴，唔使諗，一於入去開餐😜餐廳裝修好靚，座位寬闊，坐得舒服，店員有禮貌🧑‍💼餐廳好多嘢食，有烤魚，有串燒，仲有生蠔和扇貝….諗咗好耐，原來有個四人套餐，乜都有得食，咁就好啦，就決定食呢個四人套餐：醬香豆豉青江魚～魚肉嫩滑，加埋特製醬汁豆豉，非常之夾👍蒜蓉燒扇貝～蒜蓉香，扇貝鮮👏串燒牛肉串，羊肉串，牛舌串，燒得啱啱好，又唔乾，超正🤗串燒豆皮，串燒韭菜，串燒雞中翼，串燒五花腩，全部都是水準之作😚還有芥末涼拌秋葵、香辣韭菜鴨血、蔥油拌麵，都好好食😌還有四杯夏天特飲，飲落去，真係透心涼🍹☃️總括嚟講：這間餐廳，真係有好多嘢食，食飯和傾偈，不錯的選擇，而家生啤仲做緊買一送一，鍾意飲啤酒嘅朋友，真係唔好錯過😄